الناس واجد مير ما مثل الاخوان

من طرف نور1992 الثلاثاء نوفمبر 26, 2013 7:22 pm

الناس واجد مير ما مثل الاخوان

ما مثل اخوك اللي يحبك ويغليك

ما مثل اخوك اللي صدوق ومعوان

تفديه بالغالـي وبالـروح يفديـك

يشكي لك جروحه وهمه والاحزان

ولا ضاقت الدنيا بهمك يواسيـك

لو كان لك ربعٍ ونـاسٍ وجيـران

ما مثل اخوك اللي عن الناس يغنيك

أخوك هو عزك ولو كان ما كـان

يبيع كل الناس لأجلك ويشريـك

أنا أشهد أنه لك على الصدر نيشان

تاجٍ على راسك وستـر يغطيـك

وانا اشهد انه مـا يثاقـل بميـزان

مثل الذهب والماس مافيه تشكيك

وانا اشهد إنه ما يقـدر بالاثمـان

عن العدو حصـن ودرع يوقيـك

إياك لا تفتـح طريـق لشيطـان

بينك وبينه جعـل ربـي ينجيـك

ولا تستمع لاجاك علان وفـلان

يا كثر ما تسمع من اللي يعاديـك

ولا تجعل لغيرك على العقل سلطان

ترى كثير اللي بشـوره يدهويـك

من طرف صائب القاضي الجمعة ديسمبر 06, 2013 9:21 pm

راااااااااااااااااائعة وفيها حكم جميلة

من طرف نور1992 الأحد أغسطس 10, 2014 3:10 am

مشكور استاذنا القدير
مرورك وسام شرف لي

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

رد: الناس واجد مير ما مثل الاخوان